PSA и FCA ќе направат заеднички електричен автомобил
Само пред неколку дена се појавија информации дека групата PSA и концернот FCA водат преговори за евентуално спојување, кои беа прекинати по вина на Италијанците
Сега, излегува дека двајцата производители сепак ќе соработуваат, објави Automotive News. Според информациите, двата автомобилски гиганти PSA Group и Fiat Chrysler Automobiles ќе развијат заедничка платформа, која ќе се користи за производство на електрични модели под различни брендови. Се очекува официјално да го потврди ова кон крајот на април или почетокот на мај.
Пред една година PSA создаде сосема нова поделба, одговорна за производство на електрични автомобили и хибриди под марките Peugeot, Citroen, DS Automobiles и Opel / Vauxhall. Набргу потоа и FCA го претстави својот план за развој, во кој значајна улога одигра електрификацијата на марките Alfa Romeo, Maserati и Jeep.
Последните вести се дека италијанско-американскиот концерн замрзна голем број проекти поради недостиг на финансии, но евентуално учество на PSA ќе овозможи трошоците за развој и производство да бидат поделени, што ќе биде од корист и на двете страни.
Во исто време, PSA објави дека го спречува развојот на автономни автомобили. Тоа е соопштено лично од главниот извршен директор на групата Карлос Таварес, a ќе влијае само на моделите со 4-то и 5-то ниво на автономија. Според директорот на PSA, овие автомобили се лишени од економска логика, бидејќи се премногу скапи за приватно користење, а нивното производство не носи профит.
Возилата со трето ниво на автономија нема да бидат засегнати. Затоа алијансата ќе продолжи да става адаптивен круз-контрол, автопилот за сообраќајниот метеж и други асистенти на возачот во своите модели.
