Renault или Dacia: Името е Arkana!

Автомобилот, кој ќе биде прикажан на московскиот автосалонот ќе се вика Arkana, што во превод значи „тајна” и има за цел да го наметне нов мистериозен иновативен стил. Продажбата на Renault Arkana ќе започне следната година и моделот ќе заземе посебно место во гамата на брендот. Renault Arkana ќе претставува нешто како кросовер -CUV, а ќе се прави на платформата Global Access. Всушност, автомобилот ќе претставува нешто како купе верзија на Captur, но ќе биде поголем и стилски поекспресивен. Првично моделот ќе се продава во Русија, Кина, Бразил и Јужна Кореја. Нема информации дали ќе се продава во Европа и дали нема да е под брендот Dacia?

Сомнежите доаѓаат од фактот дека во Русија и на некои други пазари, сите модели на Dacia се продаваат под брендот Renault, а врз платформата B0 се изградени сите сегашни модели на романската марка.