Пет ѕвездички од EuroNCAP за новиот Renault Koleos

Моделот беше тестиран согласно новиот 2016 EuroNCAP тест-протокол. Новиот Koleos се издвои со резултат од 90% за заштита на возрасни, 79% за деца, 63% за пешаци и 75% за помошни системи.

Новиот Koleos се потпира на богатото искуство на Renault во областа на пасивна безбедност и со право се очекуваа одлични резултати на независните тестови на EuroNCAP. Една од најважните работи при надградбата на  кросоверот секако е употребата на челик со многу висока еластичност за рамката на моторот и висококвалитетен челик за патничката ќелија, за заштита на каросеријата во случај на силен удар. Во листата на стандардната опрема за безбедност се: две адаптивни предни воздушни перничиња кои се во согласност со типот на ударот и позицијата на патникот во возилото; две странични воздушни перничиња за градите / рамениците на патниците; две воздушни завеси; предни и задни потпирачи за глава со функција за превенција на грчеви; предните седишта кои го спречуваат телото да се лизне под безбедносните ремени; задно детско седиште ISOFIX и големи детски потпирачи. Сите безбедносни ремени се опремени со ограничувачи на оптоварување.

Кога станува збор за активна безбедност, во палетата од стандардната опрема на новиот Koleos се: контрола на пролизгување, последна генерација електронска контрола на стабилноста (ESC), електронска распределба на силата на сопирање и асист-состав за поаѓање на нагорнина, како и помош за управување (ADAS).