Renault покажа автономна лимузина

Новиот француски концепт е интегриран во системот за „паметен дом“, има автопилот од четвртата генерација и им нуди на патниците виртуелна реалност. Renault наметнува дизајн со кои ги преиспитува концептите на просторот. Стаклената површина е огромна и големината на стаклениот кров може да се прилагоди.

Renault Symbioz е долг 4.920, широк 1.920, висок 1.440 милиметри, а меѓуоскиното растојание изнесува 3.070 милиметри. Во задниот дел на автомобилот се инсталирани два електрични мотори со вкупна моќност од 680 КС и 660 Nm. Се напојува со 72 kWh батерија која може да се наполни 80% за помалку од 30 минути. Забрзувањето од 0 до 100 km/h е за 6 секунди.

Возачот може да избере помеѓу три начини на движење: стандардно, спортско и автономно, каде што просторот во ентериерот е оптимизиран за поголема удобност. Во автономниот режим вклучен е и системот на виртуелната реалност.

Со помош на VR- шлемот, возачот и патниците можат целосно да го сменат светот околу автомобилот, синхронизирајки ја брзината, траекторијата и положбата на автомобилот. Symbioz може да разменува информации со паметни системи за управување дома, со испраќање пораки до телевизорот, паметниот телефон или часовник. Така, сопственикот е секогаш во текот на планираните патувања, време на патот, метеж, трговски објекти и полнење на батерии.

Автономниот прототип Renault Symbioz ги идентификува патниците по паметните телефони и ги прилагодува седиштата, климатизацијата и мултимедијалните системи според нивните преференции. На контролната табла има LG дисплеј со облик L, кој се состои од три одделни панели со органски LED диоди.

Може да прикаже слика на фотоапаратите дома или содржината на фрижидерот. Ова е втор прототип на Renault со името Symbioz. Првата верзија на концептот беше прикажана во септември во изложбениот салон во Франкфурт.