Rolls-Royce го примени Black Badge третманот на Cullinan
Супер луксузниот SUV модел им се придружува на Dawn, Wraith и Ghost со слични визуелни ажурирања и поголема моќност
Новиот Rolls-Royce Cullinan Black Badge е опремен со истиот 6,75 литарски V12 мотор, кој сега обезбедува моќност од 592 коњски сили и 900 Nm вртежен момент, што претставува 29 коњски сили и 50 Nm повеќе од стандардната верзија. Вака, луксузниот SUV може да забрза од 0 до 100 km/h за само 4,9 секунди и покрај својата тежина од 2.753 килограми и да достигне максимална брзина од 250 km/h.
За да може подобро да се справи со зголемената моќност, Rolls-Royce ги ревидираше сопирачките и системот за потпирање, а исто така ја додаде и Intuitive Throttle технологијата која овозможува поагресивна шема на менување за осум-степениот менувач. Друг специјален елемент е копчето „Low“ на рачката на менувачот, што го трансформира звукот од издувниот систем, давајќи му подлабок тон.
Завршено со рачно полиран црн слој на боја, Cullinan Black Badge доаѓа со затемнета предна решетка, странични рамки, рачка од багажната врата, долни воздушни влезови и издувни врва. Целиот изглед е комплетиран со дво-тонските 22-инчни алуминиумски фелни, црвени кочни шапи и жолти линии.
Повеќе жолти детали се наоѓаат во внатрешноста, на седиштата, таблата и панелите на вратите, заедно со црната кожа што се обвиткува околу повеќето допирни површини.
