Шангај 2019: Audi со две глобални премиери

Германскиот гигант на престојниот саем во Кина ќе се претстави со две светски премиери и цела серија национални иновации. Покрај футуристичкиот концепт Audi AI: ME, своето сериско деби ќе го направат и двата електрични модели, Audi e-tron и Q2L e-tron, кој беше специјално дизајниран за кинескиот пазар.

Компактниот SUV ќе се произведува во Фошан фабриката, а на пазарот се очекува да се појави ова лето.
„Со електричните модели на Audi Q2L e-tron и Audi e-tron, започнуваме нова ера во Кина со нашиот партнер на FAW. Компактниот SUV ќе се произведува локално оваа година и, почнувајќи од 2020 година, Audi e-tron, исто така, ќе биде произведен во Кина, нашиот најголем и најважен пазар во светот“, изјави Брам Шот, генерален извршен директор на Audi.

Телото на Audi Q2L e-tron ќе биде 33 милиметри подолго од тоа на основниот модел. Автомобилот е погонуван од електричен мотор поставен на предната оска, кој испорачува моќност од 134 КС и вртежен момент од 290 Nm. Со батериски капацитет од 38 kWh, електричниот Q2 доаѓа со возен опсег од 265 километри, утврден според локална хомологациска процедура.

Втората генерација на Audi Q3 ќе ја добие својата национална премиера во Шангај и исто така ќе биде произведена во Кина. Опремен со дигитален оперативен и дисплејски концепт, повеќе инфозабавни решенија и иновативни системи за помош, новиот семеен SUV ќе биде одлично технолошки поткрепен, како и поразновиден, со посамоуверен изглед од својот претходник. На кинескиот пазар тој ќе биде достапен во две варијанти, односно со 150 и 220 КС.

Во центарот на вниманието на штандот на Audi ќе се најде и визионерскиот концепт за идната урбана мобилност. Со цел да ги прикаже идеите на дизајнерите и развивачите на Audi за компактен автомобил на иднината, својата светска премиера ќе ја добие и Audi AI: ME. Емитуваниот автомобил нуди просторна и футуристичка внатрешност, како и способност за автономно возење од четврто ниво. Новиот футуристички концепт нуди широк спектар на хај-тек карактеристики за комуникација, забава и релаксација.