Саудиски Aramco се приклучува на заедничкиот потфат на Renault и Geely
Саудиски Aramco испрати писмо во кое ја истакнува својата намера за влез во заедничката компанија на Renault и Geely за моторни единици
Најпрофитабилната компанија во светот, Aramco од Саудиска Арабија, испрати писмо со намера да стане потенцијален малцински акционер во новата технолошка компанија за погонски склоп што ќе ја основаат Geely и Renault.
Заедничката компанија за погонски единици ќе развие технологии за внатрешно согорување и хибридна погонска единица, а инвестицијата на Aramco ќе го поддржи нејзиниот раст „и ќе придонесе за клучните истражувања и развој преку решенија за синтетички горива и технологии на водород од следната генерација“.
Компанијата допрва треба да биде именувана, но ќе има пристап до глобалната мрежа на Geely и Renault од 17 фабрики за погонски единици и пет центри за истражување и развој на три континенти. Ќе дејствува како самостоен глобален снабдувач и ќе има комбиниран капацитет до 5 милиони мотори со внатрешно согорување, хибриднии и plug-in хибридни погони и системи за пренос на годишно ниво.
Aramco ќе преземе 20 проценти
„Ова писмо за намера претставува нова пресвртница во нашата постојана посветеност на транспортните технологии и претставува платформа за поддршка на истражувањето и развојот на Aramco во иновациите на моторот“, рече извршниот потпретседател на Aramco, Мохамед И. Ал Кахтани. „Нашата планирана соработка со Geely и Renault ќе го поддржи развојот на погонските агрегати во автомобилската индустрија и ќе се усогласи со нашите пошироки напори низ нашите глобални операции.
Не е јасно колкав ќе биде уделот на Aramco во компанијата. Извештаите од јануари покажаа дека Aramco ќе преземе 20 проценти од акциите во потфатот, додека и Geely и Renault ќе поседуваат по 40 проценти од акциите.
„Ова партнерство со Aramco ќе ја подигне нашата заедничка компанија за погонски единици заедно со Geely Group на следното ниво и ќе ѝ даде главен почеток во трката кон технологијата за погонски единици со ултра ниски емисии“, додаде извршниот директор на Renault Group, Лука де Мео. „Влезот на Aramco носи уникатно знаење кое ќе помогне да се развијат иновации за пробив во областа на синтетичките горива и водородот“.
