SEAT со најдобро прво полугодие во историјата

Евидентиран е пораст од 17,6%, или повеќе од 43.000 пласирани возила, во однос на првата половина од минатата година и повеќе од 11.000 единици подобро од претходното најдобро достигнување, забележано во 2000 година. Покрај новиот успех во продажбата за првата половина од годината, SEAT забележа рекордни пазарни резултати и во јуни.

Продажбата на брендот достигна 51.400 единици, што е за 13,7% повеќе во однос на истиот месец минатата година и за повеќе од 1.000 единици во споредба со претходниот рекорд од 2000 година. На крајот на првото полугодие, SEAT има раст од 14,9%, односно 62.200 автомобили во Шпанија, 17,7%, односно 57.200 единици во Германија, 21,7%, или 35.900 во Велика Британија, 18,7%, или 15.800 во Франција, како и 21,6%, односно 12.800 во Италија.

До крајот на оваа година, SEAT ќе стартува со продажбата на уште два свои нови пазарни предлози, едно од нив е SUV изведбата- Tarraco, кој ќе биде премиерно претставен на 18 септември, а другата новина е врз компактниот Leon. Компанијата, исто така, ќе ги претстави CUPRA Ateca и Arona TGI.