Shoei лансира футуристичка AR кацига која ќе ве претвори во Iron Man
Shoei ја претстави GT-Air 3 Smart, првата AR кацига со OLED проекција, навигација, комункации и 10 часа батерија.
Јапонскиот гигант за мотоциклистичка опрема, Shoei, во соработка со француската технолошка компанија EyeLights, ја претстави GT-Air 3 Smart, првата целосно интегрирана кацига со augmented reality (AR) технологија. Ова е најблиску што мотористите досега дошле до чувство на вистинска Iron Man опрема, со проекција на податоци директно пред очите на возачот.
Информации директно во погледот на возачот
Технологијата на EyeLights е вградена во самиот визир на кацигата, користејќи nano OLED проектор кој ги прикажува брзината, навигацијата, дојдовните повици и дури предупредувања за радарска контрола. Податоците се појавуваат во видното поле на возачот на виртуелна далечина од околу три метри, што го елиминира потребното тргање поглед од патот.
Еден од најголемите предизвици за head-up дисплеите е видливоста на силно сонце, но EyeLights тврди дека новиот OLED систем останува јасен и читлив дури и под директна сончева светлина. Компанијата дополнително наведува дека AR прикажувањето може да ја подобри реакцијата на возачот за 32 проценти, што ја прави технологијата подеднакво безбедносна колку што е и футуристичка.
Паметна кацига со целосно интегрирани комуникации
GT-Air 3 Smart не е само визуелен HUD уред. Кацигата доаѓа со вграден аудио систем, звучници, микрофон со шумопоништување и универзален интерком кој е компатибилен со речиси сите брендови. Сите компоненти, вклучувајќи ја батеријата и инсталацијата, се скриени во школката, без надворешни модули или вистечки уреди.
Кацигата поддржува онлајн и офлајн работа, како и гласовни асистенти за целосно ракување без раце. Батеријата нуди до 10 часа автономија, што е доволно за долгите тури или дневни возења.
Цена и достапност
Преднарачките веќе се отворени, а испораките ќе започнат во јуни наредната година. Цената е 1.199 долари, што е околу двојно повеќе од стандардниот GT-Air 3 модел. Но од Shoei велат дека инвестицијата е оправдана, како добар комплет кожна опрема, и оваа кацига може да биде разликата помеѓу безбедно пристигнување и потенцијална несреќа.
