Škoda Fabia RS Rally2 е моќна рели машина со погон на сите тркала

Škoda ја претстави четвртата генерација на Fabia пред нешто повеќе од една година и беше само прашање кога суперминито ќе добие тркачка варијанта. Сега дојде и тој ден бидејќи чешката марка ја претстави новата Fabia RS Rally2, која иако е базирана на истата платформа MQB A0, сепак моделот помина низ огромни промени. Финиширана во Mamba Green, „џебната ракета“ има речиси двојно поголема потисна сила од нејзиниот претходник.

Додека патничкиот автомобил доаѓа исклучиво со погон на предните тркала и испорачува најмногу 150 коњски сили, Fabia RS Rally2 е AWD машина со 291 КС. Моќноста ја обезбедува четирицилиндричен мотор со зафатнина од 1,6 литри за исполнување на прописите и испушта вртежен момент од огромни 430 Nm. Моторот е базиран на познатиот 2.0 TSI на VW Групацијата и ја испраќа силата до двете оски благодарение на петстепениот секвенцијален менувач.

Одделот за моторспорт на Škoda ја опреми Fabia RS Rally2 со диференцијали на предната и задната механичка оска. Интересно, инженерите додадоа електро-хидраулична контрола на спојката меѓу оските за да ја откачат предната и задната оска со користење на рачната сопирачка. Оваа функција треба да помогне кога при острите свиоци. Непотребно е да се каже дека шасијата е целосно променета во споредба со патничкиот автомобил, додека големината на тркалата е или 15 инчи (со дискови од 300 mm) за трки на земјени подлоги и 18 инчи (со предни дискови од 355 mm и 300 mm задни) кога се трките се на асфалт.

Скромна максимална брзина

За да се усогласат со прописите на FIA, Fabia RS Rally2 има резервоар за гориво од 82,5 литри направен од најлон и нарачана гума со специјална пена во внатрешноста за да се намали ризикот од истекување гориво. Куќиштето на резервоарот е направено од комбинација на кевлар и фиберглас, додека горивото што се користи е 100 проценти синтетичко, кое потекнува од целосно обновливи извори.

Максималната брзина очигледно не е врвен приоритет за рели автомобил, поради што Fabia RS Rally2 максимално достигнува до само 200 km/h. Има краток сооднос за да го максимизира забрзувањето и има прилагодена суспензија со пружини MacPherson и на предната и на задната оска. Како што можете да забележите, тој е значително поширок од патничкиот моделот и има отвор за вентилација на покривот за подобар проток на воздух и за снабдување со свеж воздух во кабината.