Škoda го покажа својот нов електричен SUV Epiq

Škoda ја прегледа новата ЕВ понуда од почетно ниво која ќе се вика Epiq. Субкомпактниот целосно електричен SUV ќе дебитира во 2025 година, со почетна цена од 25.000 евра, ветувајќи пространа кабина и опсег на возење од над 400 километри.

Откривањето на дизајнот се случи за време на Годишната прес-конференција за 2024 година, заедно со објавувањето на финансиските резултати и идната стратегија на Škoda. Иако првично се очекуваше чешкиот производител да го прикаже Elroq кој ќе дебитира во 2024 година како електрична алтернативана Karoq, сепак, на презентацијата беше прикажан концептот кој го најавува моделот Epiq, кој ќе пристигне следната година.

Škoda Epiq е долг околу 4,1 метри, што е речиси идентично со хечбекот Škoda Fabia. Надворешноста го усвојува најновиот Modern Solid дизајнерски јазик, кој се одликува со подигнат став, модерни стилски знаци и препознатлив LED светлечки потпис.

Севкупно, електричниот SUV изгледа како „бебе“ верзија на Škoda Vision 7S Concept од 2022 година, со слична „Tech-Deck Face“ наместо решетка. Концептот е обоен во Moon White нијанса со дискретни портокалови акценти и футуристички алуминиумски тркала со три краци. Големите заштитни плочи за подвозјето кои се удвојуваат како доводи, шините на покривот и текстурата на пластичната обвивка го нагласуваат авантуристичкиот став. Останува да видиме која од овие карактеристики ќе стигне до сериската верзија.

Дизајн

И покрај компактниот отпечаток, Škoda вели дека Epiq ќе понуди „епска количина на простор“. Кабината со пет седишта е комбинирана со великодушен багажник од 490 литри. Во согласност со идната стратегија на Škoda, се очекува широка употреба на одржливи материјали во внатрешноста и различни Simply Clever карактеристики кои ги подобруваат акредитивите за практичност.

Централниот дел на минималистичката контролна табла е големиот самостоен инфозабавен дисплеј на кој му се придружува многу помала дигитална инструмент табла. Други карактеристики вклучуваат футуристички волан со двa краци со интегрирани копчиња, ултра тенките отвори за климатизација, мобилниот дигитален клуч и преградата за безжично полнење под кластерот физички копчиња на централната конзола.

Škoda не објави никакви технички спецификации освен досегот од 400 километри, но потврди дека електричниот SUV ќе биде компатибилен со двонасочно полнење. Ова значи дека сопствениците ќе можат да ја користат енергијата од батериите за напојување на електронски уреди и домашни апарати.

Почнувајќи од 2025 година, производството на Škoda Epiq ќе се одвива во фабриката на VW Group во Памплона, Шпанија, заедно со VW ID.2 и Cupra Raval. Сите три субкомпактни ЕВ ќе бидат поставени на нова верзија на архитектурата MEB и се очекува да ги делат истите опции за погон и батерии.

Škoda инвестира во електрична мобилност, но не го заборава погонот со согорување

Извршниот директор на Škoda, Клаус Зелмер, призна дека глобалната стапка на електрични возила се забавува, но инсистираше на тоа дека иднината на чешката марка е „сè повеќе електрична“. Škoda останува посветена да инвестира 5,6 милијарди евра во електричната мобилност во наредните години, дебитирајќи не помалку од шест електрични модели до крајот на 2026 година.

Сепак, производителот на автомобили ќе продолжи со развојот на други погонски единици, вклучувајќи ги „високо ефикасните“ мотори со внатрешно согорување, благи хибридни и plug-in хибридни опции. Во истиот контекст, извршниот директор на Škoda рече дека ќе продолжат да нудат модели со мотори со согорување се додека нивните клиенти ги претпочитаат, а законската рамка дозволува нивна продажба на одредени пазари.

Во 2023 година, Škoda продаде 866.800 возила, што претставува зголемување од 18,4 отсто во споредба со минатата година. Ова резултираше со приход од 26,5 милијарди евра и 1,8 милијарди евра оперативен профит (+182,3 отсто), и покрај негативните ефекти од напуштањето на рускиот пазар.