Škoda направи уникатен кампер од Enyaq iV наречен FestEVal

Филијалата на Škoda во Велика Британија најде интересен начин да ја нагласи практичноста на Enyaq со претворање на електричниот теренец во кампер. Оваа уникатна, еднократна камперска верзија на нивниот целосно електричен SUV, пристигнува токму на време за фестивалската сезона. Наречен Škoda Enyaq iV 80 FestEVal, концептот доаѓа со единица за кампување од чешкиот бренд Egoe (шпорет на гас, мијалник со чешма и црево…) и шатор на покривот, што носи сè што ви треба за да уживате во животот на отворено.

Визуелно, Enyaq iV 80 FestEVal изгледа исто како и секој друг Enyaq, со исклучок големата кутија за шатори што е поставена на покривот. Од Škoda велат дека шаторот на покривот може да се постави или симне за неколку минути, а е достапен преку скала. Шаторот вклучува брачен кревет, вентилатор на соларна енергија, интегриран факел, плус мрежа за складирање. Уште две лица можат да спијат на продолжениот кревет што се протега преку задната клупа. Рамката со двоен кревет може да се состави за само неколку минути и да го искористи максимумот од багажниот волумен на Enyaq од 1.710 литри кога задните седишта се преклопени.

Уникатна изработка

Задните седишта се уште можат да се користат кога е поставена кутијата за складирање, која, патем, има многу простори за складирање и простор за подготовка на храна. Измените се заокружени со столчето за кампување и масата за кои се потребни секунди за да се расклопи или склопи заедно со завеси за дополнителна приватност.

Со оглед на тоа што ова е модел со еден мотор, со погон на задните тркала, опремен со батерии од 82 kWh, тоа значи дека Enyaq iV 80 може да помине до 544 километри помеѓу полнењата по WLTP. Има околу 200 КС и 310 Nm, а спринтот до „стотка“ го достигнува за осум и пол секунди.

Škoda Enyaq iV 80 FestEVal не е наменета за производство, но покажува што можат сопствениците да направат со своите возила ако додадат Egoe кутија одзади и шатор на покривот.