Нов скандал во автомобилската индустрија во Јапонија

Причината е тоа што луѓето што ја извршувале конечната инспекција на веќе завршените возила не ги имаат потребните квалификации за такво нешто.

Проблемот зачна уште летово, кога Nissan беше принуден дури и да ја запре работата во неговите јапонски фабрики. Се покажа дека за 30 години инспекцијата на нови автомобили била направена од вработени кои немаа право на ова. Им се наметна интервенција на соодветните регулаторни органи на државата, кои се сомневаа во точноста на податоците за потрошувачката на гориво што беа објавени. Во Nissan сепак го решија ова, а на ред е Subaru. Тука допрва треба да се прават анализи и соодветни испитувања. Официјалната позиција на компанијата е дека ова доведе до пад на акциите на производителот – прво за 10%, а потоа за уште 8%.

Приказната, сака тоа некој да го признае или не, многу потсетува на она што се случи пред една година со Mitsubishi Motors. За оваа компанија беше пријавено дека има фалсификувани податоци за потрошувачка на гориво повеќе од 20 години. Кратко потоа, Mitsubishi речиси банкротираше и беше преземен од алијансата Renault- Nissan.

Пријавата на Subaru, всушност е поднесена од Toyota. Двете компании се во блиска врска, Subaru го прави GT86 за Toyota, што всушност е моделот BRZ. Без разлика дали сето ова е само случајност или метод што се претвора во пракса, наскоро ќе се разбере. Меѓутоа, ако сомневањата се потврдат, Subaru ќе мора да „врати“ огромен број автомобили во своите работилници и да плати астрономски парични казни. Тоа е нешто со што малата компанија не може да се справи?!

Скандалот, исто така, влијае на имиџот на јапонската автомобилска индустрија, која важеше „за кристално чиста и беспрекорна“ во фелата. Но, по она што се случи со произведувачот Takata со воздушните перничиња, потоа со Kobe Steel, снабдувачот со челик на најголемите локални автомобилски компании и Mitsubishi, ќе го смени овој факт.