Tesla избира меѓу Германија и Холандија
Tesla веќе преговара со властите во Германија и Холандија да ги гради своите први големи производствени капацитети ширум Европа, објави Wall Street Journal
Публикацијата ги наведува и претставниците на администрацијата вклучени во преговорите. Американскиот гигант Tesla веќе започна преговори со претставниците на два германски града, за да обезбеди полигон за изградба на првата Гигафабрика во Европа, идејата е тука „под еден покрив“ да се произведуваат електрични возила и батериите за нив.
Весникот тврди дека преговорите во Германија се уште се во рана фаза и не постои никаква гаранција дека тие ќе доведат до конечен договор. Во јуни, извршниот директор на Tesla, Илон Маск рече дека ја претпочита Германија, дури и да одлучи за друга држава во регионот.
-Можеби ќе има смисла фабриката да е на границата меѓу Германија и Франција, во близина на земјите од Бенелукс, напиша на Twitter, Маск.
Tesla веќе има инженерска поделба во Прум, во Германија, околу 30 километри од Белгија и 100 километри од границата со Франција. Во јули, компанијата, исто така, ги објави плановите за изградба на својата прва фабрика надвор од САД, која ќе биде во Кина.
