Тест Ford Focus: Фокусиран кон врвот во класата

При креирањето на новата генерација на Ford, тимот задолжен за неговото развивање посветил многу време и внимание на проектот, така што разликите со своите предходници се веднаш воочливи. Слушајќи ги барањата на клиентите, четвртата генерација на Focus е развиена „од нула“, сè со цел да обезбеди најинспиративно, интуитивно и несекојдневно задоволство за возачите и искуство за патниците, во споредба со кој и да е друг компактен семеен автомобил на пазарот. Новата генерација со себе носи и нова филозофија на дизајнот, со фокус на клиентот. Истиот комбинира емоционален надворешен стил со водечка во класата аеродинамика, а воедно нуди простран ентериер во комбинација со високо квалитетни материјали и изработка во кабината.

Нова силуета и поголеми надворешни димензии

Карактеристичната нова силуета се постигнува главно преку симнување на А-носачот поназад, со избалансирана пропорционалност во средишниот дел, како и облините на C-носачот поставен веднаш над задните тркала. Како резултат на тоа се добива поиздолжен поклопец на мотор и помасивен преден браник, во комбинација со изразеното намалување на рабовите на средната линија, па компактот изгледа помоќен и поелегантен, а не недостасува и спортскиот карактер на возилото. Зголемувањето на меѓуоскиното растојание за 53 мм овозможува тркалата да бидат врежани во страничниот профил на автомобилот со што се намалува чувството за должина и визуелна маса. Поиздолжениот браник позади и поставеноста на каросерија поназад создаваат впечаток за зголемена компактност. Задните светла веќе се составени од два дела, овозможувајќи функционално отворање на капакот на багажникот, а LED технологијата обезбедува карактеристичен светлосен потпис дење и ноќе. Натписот Focus е поставен гордо со одделни букви меѓу задните светла, нагласувајќи првокласната изработка на задниот дел на возилото.

Обемни промени во внатрешноста

Филозофијата на дизајнот од екстериерот се пренесува и во ентериерот, кој нуди пријатна средина со силно чувство за квалитет, постигнат со поедноставени, чисти линии, со експресивен приод, каде што високо квалитетните материјали се одлично интегрирани во површините. Предните врати преминуваат непречено зад инструмент таблата за визуелно простран ефект со чувство за одлична софистицираност. Горниот дел на инструмент таблата и внатрешниот дел на вратите се изработени од меки на допир материјали. Патниците на предните седишта можат да уживаат во повеќе простор за рамената, но не на штета на патниците на задните седишта за кои исто така е обезбедено повеќе простор поради поголемата база и рамниот под. Чувството на просторност е дополнително зголемено благодарение на дизајнот на задните врати, вклучувајќи ги тука и стакла кои се протегаат кон задните носачи. Освен габаритите на кабинскиот простор инжињерите се грижеле и за делот за транспорт на багаж кој треба да одговори на потребите на едно модерно 4 члено семејство, затоа товарниот дел во Focus овозможува волумен од 375 литри, што е во сооднос со конкуренцијата од класата.

Focus ентериер

1 | 

2 |

3 |

4 |

5

Целосна имплементација на најнова технологија

Модерното живеење значи и целосна поврзаност на паметните телефони и автомобилот, затоа Bluetooth конекцијата доаѓа како стандарден дел за спојување со системот за комуникација и забава од последната генерација наречен SYNC 3. Управувањето се одвива преку 8-инчен колор екран осетлив на допир, кој е компатибилен со опреативните системи на Apple Car Play и Android Auto. Аудио системот им дозволува на патниците да извлечат максимум од музиката затоа што е калибриран специјално за верзиите на Focus со 5 врати, со цел да се овозможи едно од најдобрите доживувања во било кој автомобил, особено за компактен хечбек. Focus воведува поширок спектар напредни функции од било кој друг автомобил на Ford досега. Новоразвиените технологии кои компанијата ги има вградено во тестираниот примерок ја подобруваат заштитата, управувањето и паркирањето, воедно системите се дизајнирани да го направат возењето поудобно, полесно и побезбедно. Функциите адаптивна контрола на крстарење, системот за препознавање на сообраќајните знаци и системот за одржување на автомобилот во лентата му помагаат на возачот да го задржи растојание од возилата напред, а помагаат за намалување на стресот за време на долгите патувања.

Мал по обем, пргав по природа

Во новиот Focus се вградуваат бензински и дизел агрегати од обновената понуда на Ford кои обезбедуваат оптимизирана моќност и одговараат на најновите строги барања на стандардот за емисија Euro 6d, пресметани преку WLTP регулативата. Еден од најдобрите агрегати на денешницата кој во неколку наврати е избран за мотор на годината работеше и под предниот поклопец на возениот модел. Станува збор за 1.0 трицилиндричен турбо EcoBoost мотор на Ford кој доаѓа во издание што располага со капацитет од 125 КС. Иако скептиците веднаш ќе ја оспорат моторната конфигурација со троцилиндарски мотор, слободно може да им порачаме воопшто да не се грижат и пред да ги донесат избрзаните заклучоците да го испробаат моделот со горенаведената моторизација, што може да го направат доколку го посетат салонот на Мида Гранд Моторс во Скопје. Агрегатот работи без вибрации и сосема смирено, одзивот на педалот за забрзување е инстант и делува прилично убедливо во секојдневна употреба. Економичноста на горивото и нискита емисија се подобрени за цели 10% со помош на првиот во индустријата систем за деактивирање на еден од цилиндрите.

Focus екстериер

1 | 

2 |

3 |

Што се однесува до перформансите, оваа прилично интересена изведба докажува дека и со ваков тип на агрегат се достигнуваат посакувани перформанси, забрзувањето од место на мирување до 100 км/ч трае точно 10 секунди, а стрелката на брзиномерот продолжува да се искачува кон максималните 200 км/ч. Во константна спрега со моторната единица работи и мануелната менувачка кутија со 6 брзини која се одликува со прецизност и одлично пресметан од помеѓу степените на пренос. Податоците кои ни доаѓаат од  производителот велат дека за секои 100 изминати километри ќе ни бидат потребни 5 литри гориво, што во нашиот случај изнесуваше за литар и половина повеќе од декларираното. Возните карактеристики се како и секогаш на самиот врв на класата, токму од таа причина Ford Focus секогаш се зема како „репер“ кога станува збор за возните особини и управливоста на конкурентските модели од класата. Новата генерација на Focus е првиот глобален автомобил базиран на новата C2 платформа на Ford од кој во иднина ќе произлезе цела лепеза на нови модели.

Цената на тест моделот е 23.900 евра.

Технички карактеристики за Ford Focus:

Ford Focus во Македонија

Повеќе информации во Мида Гранд Моторс или на тел. (02) 3073 103

Конкуренти: