Toyota подготви специјално издание на Aygo X во соработка со Undercover

Јапонската модна куќа по име Undercover претстави уникатно издание на Toyota Aygo X за време на ревијата Undercover есен 2023 година на модната недела во Париз. Шефот на Undercover, Џун Такахаши, ја искористи својата неприспособлива филозофија на дизајнот при правењето измени на Aygo X и иако тие се ограничени, тие секако имаат впечатливо влијание врз целокупниот изглед на малиот кросовер.

За почеток, Toyota Aygo X е финиширан во прекрасна нијанса на сива акцентирана со металик црна боја низ задната табла, две нови нијанси кои беа развиени од Toyota за проектот. Дополнително, Aygo X е поставен на црни 18-инчни алуминиумски тркала кои вклучуваат корално црвени акценти. Овие акценти може да се најдат и на предниот браник, страничните прегради и задниот браник. На покривот има и налепници на кои пишува „Chaos“ и „Balance“.

Направени се неколку измени и во кабината на Aygo X. Тие се состојат од нови брендирани седишта и патосници со впечатлива шема и црвени акценти.

Само 5.000 примероци

„Знаевме дека Undercover може дополнително да го прошири силниот карактер на Aygo X и бевме возбудени да истражиме како модниот јазик на Џун може да се преведе во процесот на развој на автомобилот“, опиша во изјавата шефот на стајлинг дизајн за Toyota Europe, Тадао Мори.

Производителот истакна дека ќе бидат произведени само 5.000 примероци на Aygo X дизајниран од Undercover.

Тојота го претстави Aygo X кон крајот на 2021 година и со тоа, ја замени втората генерација на градскиот автомобил Aygo со возило преплавено со дизајнерски елементи инспирирани од кросовери. Се заснова на платформата GA-B на компанијата која исто така ги поткрепува Yaris и Yaris Cross и во Европа и се продава со една опција за погон. Овој мотор има форма на 1,0-литарски атмосферски трицилиндарец со 71 КС и 93 Nm вртежен момент. Клиентите можат да изберат да го имаат овој мотор поврзан или со петстепен мануелен или со S-CVT.