Toyota со освежување за Camry Hybrid

Унапредената Toyota Camry Hybrid за европскиот пазар пристигнува со редизајниран преден дел, кој вклучува ревидиран преден браник со нов изглед за горната и долната решетка. Елементите на долната решетка сега можат да се добијат во црна или темно сива боја, а тоа е овозможено и на страните, со што освежениот Camry добива подинамичен и поширок изглед.

Како додаток на тоа, Toyota додаде ново дизајнирани 17 и 18-инчни тркала од лесна легура, заедно со нов Deep Metal Grey финиш и LED задни светла со поинаква боја. Toyota Camry Hybrid за 2021 година исто така добива и нов 9-инчен инфозабавен екран на допир кој сега е позициониран повисоко на централната конзола за подобрена ергономија. Новиот систем има физички копчиња за полесно користење во сите возачки услови и се карактеризира со побрз софтвер и подобра реакција на екранот, како и Apple CarPlay и Android Auto како стандарден дел од опремата.

Купувачите на Camry Hybrid во Европа исто така ќе добијат можност да бираат меѓу две опции за кожна прекривка на седиштата во беж или црна боја. Новиот кожен тапацир пристигнува со нова перфорациска шема за да овозможи вентилација на седиштата. Црните кожни седишта со текстилни инсерти исто така се нова опција, додека централната конзола може да се добие со нов Black Engineered Wood и Titanium Line шематски финиши исто така.

Јапонскиот производител исто така ја додаде и најновата верзија на Toyota Safety Sense во опсегот на активна безбедност, која содржи унапреден Pre-Collision System, Emergency Steering Assist и Intersection Turn Assistance. Тука е и интелигентниот адаптивен темпомат кој работи заедно со асистенцијата за препознавање на знаци и унапредена асистенција за следење на коловозната лента.

Toyota не направи никакви промени во Camry Hybrid самополнечкиот електрифициран погон, кој е сочинет од 2,5-литарскиот четирицилиндричен мотор и електромотор кои заедно испорачуваат 218 КС.