Toyota за прв пат го покажа својот нов спортски автомобил
Јапонската Toyota објави прва официјална фотографија на својот нов спортски модел
Неговото име не е пријавено – на тизерот стои дека тоа ќе биде „враќање на легендата”.
Се чини дека, сепак тоа е новата генерација на Toyota Supra, чиј развој трае веќе 5 години. Светската премиера на автомобилот ќе се одржи за време на автосалонот во Женева во март, но не е јасно дали таму ќе видиме сериски модел или концепт. Добро е познато дека Јапонците ја развиваат новата Supra со BMW, која ќе го издаде својот сопствен модел под името Z5.
Двата спортски автомобили ќе бидат изградени на еден прототип, но ќе се разликуваат во дизајнот, поставките на шасијата и моторите. Веројатно Supra ќе добие хибридна модификација со бензински турбомотор, систем за погон на четири тркала и роботизирана менувачка кутија.
Работата на двата автомобили, кои ќе се произведуваат во фабриката на компанијата Magna во Австрија, е започната уште во 2013 година. Покрај изработката на спортски автомобили соработката меѓу Toyota и BMW предвидува уште развој на водородни агрегати, лесни композитни материјали и нов вид акумулатори.
