Викенд Тарифа: Монте Карло релито од возачка перспектива
Монте Карло релито во текот на своето постоење разви репутација како еден од најтешките и најпознатите настани во WRC календарот
WRC шампионатот во својот календар го има и Монте Карло релито, една од најтешките и најпознатите патеки во мотоспортот. Неодамнешното видео од DirtFish, познат по својата рели школа, ни дава увид зошто ова рели е толку тешко, благодарение на снимката од возачка перспектива. Возачот Шон Џонстон и неговиот ко-возач Алекс Кихурани ги покажуваат своите способности на патеката и покажуваат неверојатна храброст и талент со својот Citroen C3 R5. Инаку, возилото се се напојува со 1,6-литарски четирицилиндричен мотор со 286 КС и 420 Nm. Моќноста се испраќа до сите четири тркала преку петстепен секвенцијален менувач, а моделот тежи само 1.230 килограми.
