Volkswagen го покажа новиот Tiguan

VW прави големи промени во својата постава за 2024 година. Откако претходно беше претставен новиот Passat, кој ќе се нуди само како караван, сега на ред дојдоа сите детали за новиот Tiguan.

Новата верзија на SUV моделот пристигнува со свежи и заоблени дизајнерски линии кои му даваат на автомобилот потопол, поорганичен изглед, а тука е и помускулестиот став што го доближува до поголемиот Touareg. Сепак, по големина не се приближува многу до поголемиот SUV. Новиот Tiguan се префрла на модерната MQB Evo платформа на VW, истата што се користи кај Golf, Passat и Audi A3, но меѓуоскиното растојание од 2.681 милиметри е практично идентично. VW ветува малку (10 милиметри) дополнителен простор за нозете и вели дека багажникот од 648 литри е зголемен за 33 литри во однос на претходно.

Возилото добива нова светлосна лента која се протега низ задниот дел на автомобилот и уште една напред, каде што формира решетка што е стеснета до тој степен што кругот на VW се прелева, горе и долу, исто како кај новиот Golf. Долната решетка има три хоризонтални хромирани шипки на „обичниот“ Tiguan, но спортските модели R-Line добиваат мрежа со дијамант и црни облоги.

Внатрешноста позајмена од ID електричните возила

Внатрешноста имаше подеднакво големо преиспитување. Распоредот на контролната табла на тековниот модел во средината на 2010-тите со неговиот инфозабавен систем во конзолата беше логичен и интуитивен, но исто така изгледаше застарено, така што VW не потроши многу за нова контролна табла со огромен екран на допир на таблетот кој има конфигурабилни мени ленти на горниот и долниот дел на екранот за да се надомести фактот дека нема физички копчиња.

Тоа е истиот комплет што веќе го видовме и на новиот Passat и на ID.7, а како и тие автомобили, Tiguan исто така добива физички (наместо чувствителни на допир) копчиња на воланот, лизгачи за температура со позадинско осветлување и менувач на брзини десната страна од столбот на управувачот со што се ослободува простор во конзолата за телефони, паричници и прекрасниот нов ротационен контролер (со вграден екран) за медиумскиот систем.

До 100 километри електричен опсег

Главната новост кога станува збор за она под хаубата е достапниот PHEV хардвер кој може да испорача одлични 100 километри чисто електричен опсег благодарение на батеријата која е речиси двојно зголемена на 19,7 kWh. Брзината на полнење исто така порасна, од 26 на 11 kW за полнење со наизменична струја, додека еднонасочното полнење е можно за прв пат, иако со максималните 50 kW се потребни 25 минути за полнење од 10-80 проценти.

VW во понудата ќе има две PHEV верзии на Tiguan, и двата со погон на предните тркала преку осум-степен DCT и се комбинација од 1,5-литарски турбо четирицилиндрични бензински мотори и 115 КС. Но, благодарение на различните подесувања, едниот испорачува вкупна моќност на системот од 204 КС, додека другиот има 272 КС.

Благи хибриди и верзија со погон на четири тркала

За оние кои сакаат нешто друго, тука се 2.0-литарскиот дизел и уште еден пар бензински 1.5, овој пат благи хибриди. Моторите eTSi се карактеризираат со турбо со променлива геометрија, деактивирање на цилиндрите и 20 КС помош, што резултира со вкупни моќности од 130 КС и 150 КС, кои ги придвижуваат предните тркала, иако овој пат преку седум-степени менувачи со двојна спојка.

Во меѓувреме, купувачите кои сакаат својот Tiguan да го опремат со погон на сите тркала, ги пропуштаат ефикасните мали 1,5-литарски мотори и наместо тоа, ги добиваат испробаните и проверени 2,0-литарски бензински мотори EA888. Исто и тука постојат две верзии – една со 204 КС и друга со 265 КС.

VW вели дека хардверот 4Motion на автомобилите со погон на сите тркала е изменет за да се намалат вибрациите, а и двете верзии на Tiguan можат да бидат опционални со верзија на новата поставеност на адаптивни амортизери DCC Pro кои ги има кај Passat. Системот располага со амортизери со два вентили за поголема удобност и контрола, а возачите можат да го приспособат својот работен опсег со помош на избирачот на режим на возење Vehicle Dynamics Manager.

Tiguan ќе се најде во продажните салони на почетокот на следната година во Европа, а цените ќе бидат објавени блиску до датумот на почеток на продажбата.