Volkswagen избра имиња на уште два електрични модели

Тие ќе бидат искористени за новите електрични модели на брендот концептни или сериски.

Во моментот гамата електрични прототипи на Volkswagen ги вклучува хечбекот I.D., миниванот I.D. BUZZ и купеовскиот кросовер I.D. CROZZ. Претходно оваа есен беше соопштено дека се подготвуваат уште два модела I.D. Lounge и I.D. AEROe, кои најверојатно ќе претставуваат седан и купе. Што се крие зад имињата I.D. Freeler и I.D. Cruiser, не е јасно. Изборот ја докажува намерата на Volkswagen Group да понуди 32 електрифицирани модели за 5 години.

Најмалку 20 од нив ќе бидат од брендот Volkswagen, а сите ќе бидат изградени на платформата MEB, развиена специјално за електрични и хибридни возила. Сериското производство на првиот модел од гамата Volkswagen I.D. ќе стартува кон крајот на 2019 година, а ќе се одвива во фабриката во Цвикау (Германија). Ова ќе биде хечбек за европскиот пазар, кој ќе има димензии на Golf и ентериер од Passat. Автономијата со едно полнење ќе околу 600 километри.

Година подоцна треба да биде подготвен и кросоверот наменет за пазарот во САД. Тој ќе има автономија од 500 километри. Во 2022 година ќе излезе и миниванот, повторно за континенталниот пазар. Сите електрични возила на марката ќе имаат пристап до интернет, како и системи со беспилотен режим.