Volvo 360c – алтернатива на авионите?
Volvo го претстави својот автономен концепт 360c. Тоа е модел кој треба да започне нов поглед на употребата на автономни автомобили
Идејата на Швеѓаните е дека луксузните автономни автомобили во блиска иднина би можеле да бидат алтернатива на авионите, особено кога станува збор за кратки патувања. 360c е целосно придвижен од електричен погон и дебитира без волан и педали. Во зависност од желбата на клиентот може да се конфигурира внатрешноста, а електричното возило може да понуди и место за спиење, мобилна канцеларија, место за состаноци и така натаму.
Кратките растојанија опфаќаат патувања на 300 или малку повеќе километри, при што летовите со авион не се особено ефикасни поради големото време што се губи на аеродромот – на полетување и слетување. Овој концепт ќе го користи Volvo како платформа за демонстрирање на способностите на новиот универзален комуникациски систем со другите учесници во сообраќајот.
Се уште нема информации за техничките карактеристики на 360c, се разбира, нема дискусија за можноста за сериско производство, и кога тоа може да се случи.
