Возач направи хаос и го уништи својот Gemballa Mirage среде Менхетен (Видео)
Тјунираниот Porsche можеше да направи голем проблем на улиците на Њујорк, а резултат на овој инцидент е целосно уништениот скапоцен автомобил и уште неколку возила
Примерок на екстремно редок модел на Gemballa Mirage GT базиран на Porsche Carrera GT се судри во неколку возила среде Менхетен, но возачот и покрај тоа продолжил со своето лудо возење. Кога застанал на крстосницата, полицијата успеала да го уапси.
Некои од деталите на овој хаос кој го направи возачот на скапоцениот автомобил е фатено на камера од страна на минувачите, а меѓу тие детали е и моментот кога автомобилот при голема брзина удри во паркиран автомобил. Американските медиуми првично пренесоа дека автомобилот е украден, но полицијата тоа го демантираше истакнувајќи дека хаосот го предизвикал сопственикот на автомобилот, кој е под обвинение за возење под дејство на опојни дроги.
https://youtu.be/96-C4zjlY4I
Кога станува збор за штетата која ја претрпе овој Gemballa Mirage GT, не се знае од каде да се почне. Забележителни се големите оштетувања на каросеријата и системот на потпирање, а искршено е и ветробранското стакло. Gemballa Mirage GT е уникатен автомобил, а станува збор за тјунирана верзија на Porsche Carrera GT. Се напојува со 5,7-литарски V10 мотор со околу 670 КС и 630 Nm максимален вртежен момент. До „стотка“ стигнува за 3,7 секунди, а максималната брзина изнесува 335 километри на час. Произведени се само 25 примероци на Gemballa Mirage GT.
https://www.instagram.com/p/B-r8OXPDfwP/
https://www.instagram.com/p/B-rwRrNJHl7/?utm_source=ig_embed
https://www.instagram.com/p/B-r3xalniA9/?utm_source=ig_embed
