VW ги советува сите да користат систем за сопирање во итни случаи
Целосно автоматизираниот систем за итно сопирање(AEB) може да спречи до 2.500 сообраќајни несреќи годишно. Ова го најави германскиот производител VW на конференција во Велика Британија.
VW ги повика сите производители на лесни комерцијални возила да ја користат технологијата. Тој е автономен состав, кој без интервенција на човек, го активира системот за сопирање на возилото. Системот се активира во случај на реакција на детекторот за судир. Благодарение на тоа, ќе се спречат инциденти со ниска брзина, кои често се појавуваат во градски услови.
„Ние сме горди да бидеме лидер во користењето на AEB и со оваа технологија се опремени сите наши комерцијални возила. На овој начин, нашите клиенти користат безбедни и сигурни возила, а тоа е нашата најважна задача “, истакнаа од компанијата.
Според анализата на експертите од Volkswagen, употребата на системот во сите товарни автомобили во Велика Британија ќе има околу 2.500 сообраќајни несреќи помалку годишно. На овој начин ќе бидат спречени 350 сериозни повреди, а некои може да бидат фатални. Што се однесува до лесните автомобили, технологијата може да ги намали несреќите за 38%, со тоа што во следните 10 години ќе ги спаси животите на повеќе од 1.000 лица.
