VW го покажа новиот California концепт кој добива PHEV погон

По 35 години како врвен сеопфатен автомобил, Volkswagen се враќа со најава за своето следно камперско комбе претставувајќи го концептот California. Претставен на саемот Caravan Salon во Дизелдорф, моделот може да се пофали со plug-in хибриден погон и две лизгачки врати.

Бидејќи станува збор за концептно возило, VW не открива премногу детали за погонската група, но кај T7 Multivan, системот eHybrid комбинира 1,4-литарски четирицилиндричен мотор со електричен мотор за вкупна моќност од 218 КС.

PHEV погон и камперска технологија

Сето тоа е сосема доволно, но вистинската причина поради која погонската група е исклучително важна во овој случај е тоа што plug-in хибридниот систем е идеален за кампување. Volkswagen тврди дека вградените литиум-јонски батерии му обезбедуваат на California Concept „речиси целосно автономно напојување од 12V“ за да ви помогне да кампувате подолго. Во меѓувреме, погонската спрега нуди голем опсег на движење за да ве однесе до местото на вашиот камп.

На покривот, како и секое камперско комбе California од 1988 година, овој концепт има шатор на отворање. Направен од алуминиум, може да се спушти или подигне со помош на таблет кој ја контролира целата камперска електроника.

Вистинската новина за дизајнот на California Concept е тоа што сега има две лизгачки врати. Тоа можеби не звучи како голема работа, но историски гледано, моделот досега имал само една врата, што значи дека Volkswagen одлучи повеќе да се посвети на практичноста и удобностса. Причината пред се е кујната, која е инсталирана долж левата страна на комбето. Опремата за готвење сè уште е таму, но со малку лизгање наназад (и со придобивките од поголемите димензии на T7 Multivan), VW успеа да создаде доволно голема празнина за луѓето да влезат и да излезат од концептот. Сепак, кујната не е сосема позади, што значи дека камперите можат да готват однадвор или одвнатре.

Покрај тоа, сопствениците ќе можат да пристапат до фрижидерот и однадвор. Тоа е мошне корисно при кампување, како и за посета на маркет, бидејќи храната што треба да остане ладна може да оди директно од количката до фрижидерот.

Поголем комфор за камперите

Бидејќи California концептот сега може да се отвора од двете страни, VW одлучи да го опреми со две тенди. На десната страна доаѓа со триаголна сенка за сонце. На левата страна, доаѓа со поголема, квадратна тенда за да се засолни храната, како и готвачот додека готват.

Предните седишта се ротираат за 180 степени за да создадат вид на дневна/трпезарија во комбето ако времето е помалку од идеално. Во меѓувреме, задното седиште на клупата се преклопува за да стане кревет.

Дополнително на сето тоа, двојните лизгачки врати исто така ќе му го олеснат на VW локализирањето на следната генерација на California за пазарите каде управувачот е сместен на десната страна. Исто така, ќе има придобивки и кога нема да се користи за кампување, нудејќи им на патниците повеќе начини за влез и излез од комбето.

Volkswagen вели дека California концептот ја прикажува следната генерација на сериско камперско комбе California, кое очекува да го лансира во 2024 година. Покрај тоа што ќе биде достапен со системот eHybrid PHEV, ќе биде достапен и со бензинските и дизел моторите на T7.