VW со тизер го најави новиот електричен SUV кој доаѓа во 2025

VW ги засилува своите ЕВ напори додека се движи кон ребрендирање во целосно електричен бренд во Европа до 2033 година. Во согласност со тоа, германската марка ја објави првата тизер фотографија од еден од клучните автомобили во оваа офанзива, мал електричен кросовер.

Профилната фотографија на рендериран автомобил нема официјално име, но имајќи предвид дека се заснова на суперминито ID.2 и ќе го замени T-Cross, тогаш може да се претпостави дека името ќе биде ID.2x или ID.2 Cross. И сето оа ако VW не ги исполни пријавените планови да ја отфрли својата стратегија за името ID до моментот на пристигнувањето на малиот кросовер во 2026 година.

Сугерирајќи дека VW сака да додаде повеќе младешки стил кон наследникот на T-Roc, фотографијата открива големи, разгорени лакови на тркалата. Забележлив е изгледот сличен на купе, а опаѓачката линија на покривот со својот дарежлив заден спојлер има дефинитивен спортски „вајб“. Впечатлив детал е и сегментираниот Ц-столб, кој веќе се наоѓа на ID.Buzz.

Дизајн инспириран од ID.2all

Иако сликата не дава многу информации за дизајнот на предниот и задниот дел на малиот SUV, можеме да претпоставиме дека предните светла и решетката ќе го позајмат дизајнот од концептот ID.2all, кој го најави претстојниот сериски автомобил ID.2 кој ефективно ќе служи како замена за Polo. Внатрешноста, исто така, најверојатно ќе се пренесе од хечбекот со малку промени, што значи дека можеме да очекуваме 12,9-инчен инфозабавен систем во стил на таблет и дигитален инструмент кластер од 10,9 инчи.

Изграден, како и ID.2, околу пократка, почетната електрична платформа MEB која е дизајнирана да прими само еден мотор напред и да ги движи предните тркала, малиот кросовер треба да биде достапен со батериите од 38 kWh и 58 kWh кои се предвидени за хечбекот. Но, потешката каросерија и инфериорната аеродинамика значат дека нема да одговара на опсегот од 450 километри и исто така ќе биде поскап.

VW најавува почетна цена од 23 илјади евра за хечбекот ID.2, така што 25 илјади евра за малиот SUV изгледа како разумна претпоставка.