Женева 2018: Новиот BMW X4 – седум мотори и две спортски верзии

Премиерата на моделот за јавноста ќе се одржи за време на автомобилскиот салон во Женева, во март.

Новиот модел е поголем од својот претходник и тоа значително: должината е зголемена за 81 милиметар и достигнува 4.752 mm, а широчината за 37 mm и веќе е 1.918 mm. Растојанието помеѓу двете оски е 2.864 mm, што е за 37 mm повеќе од онаа на првата генерација на моделот. Стандардниот волумен на багажникот на BMW X4 сега е 525 литри, а кога седиштата ќе се спуштаат, се зголемува на 1.430 литри. При претходната генерација на кросоверот овие димензии беа соодветно 500 и 1.400 литри.

Во конструкцијата на новиот модел е користен повеќе алуминиум, а исто така и висококвалитетен челик. Ова овозможува не само зголемување на цврстината, но и намалување на телесната тежина. Разликата во споредба со претходникот е 50 kg во зависност од модификација. По смената на генерациите подобрени се и аеродинамичките индикатори. Благодарение на употребата на активни елементи во решетката на ладилникот, коефициентот на отпорот на воздух е намален за 10% и сега е 0,30. Во исто време тежиштето е пониско отколку кај новото X3.

Во гамата на модификации на BMW X4 ќе има две набилдани верзии на M Performance – M40i и M40d. Првата ќе излезе во август, а ќе добие 3,0-литарски бензински турбомотор со 360 КС и 500 Nm вртежен момент. Кај неа забрзувањето од 0 до 100 km/h ќе трае 4,8 секунди. Модификацијата M40d ќе добие 3,0-литарски дизел со 6 цилиндри, кој ќе развива 326 КС и 680 Nm. Забрзувањето од 0 до 100 km/h кај него ќе трае 4,9 секунди. Максималната брзина на двете верзии е ограничена по електронски пат на 250 km/h. Овие два автомобила ќе се разликуваат од останатите по суспензијата, издувниот систем, сопирачките… За двете спортски верзии е предвиден и заден M-диференцијал.

Во палетата мотори на втората генерација на BMW X4 влегуваат уште два бензински тубомотори со 4 цилиндри и зафатнина 2,0 литри. Тие развиваат 184 и 252 КС . Дизелските се два со 2,0-литарски со 190 и 231 КС, како и 3.0 со 265 КС Сите модификации се со систем за погон на сите четири тркала xDrive и со 8-степен автоматски менувач.

Во опременоста на возилото влегуваат LED фарови, проекциски дисплеј, мултимедијален систем со 10,25-инчен екран, адаптивен круз-контрол, систем за кружен надзор со камери, безжичен полнач за паметни телефони, тризонска климатизација, панорамски покрив, вентилација на седиштата, како и вграден систем Microsoft Office 365, која овозможува добивање на ел-пошта и внесување на промени во потсетникот.