2020 Nissan Juke ќе дебитира во септември
Nissan објави уште еден тизер од новиот кросовер, пред да го претстави на 3ти септември, пред светското деби на Саемот во Франкфурт
Ниту една од слики не открива многу околу новиот изглед на јапонскиот кросовер, но она што може да се забележи се тенките LED дневни светла што лежат над кружните фарови. Исто така, може да се види и повеќе истакната решетка, која наликува на онаа што се наоѓа на поновите модели како што се Rogue и Murano.
Nissan не кажа многу за новиот Juke, но претходните шпионски фотографии покажаа дека моделот ќе ги следи стапките на својот фанки претходник. Особено, кросоверот ќе има истакнато ветробранско стакло, мускулни задни акценти и еволутивен заден дел.
Кросоверот се очекува да биде лансиран на почетокот од следната година, а базиран да биде на CMF платформата, која исто така ги поддржува Renault Clio и Captur. Опциите на моторот остануваат непотврдени, но достапен може да биде 1,3 литарскиот четири-цилиндарски турбо мотор со излезна моќност од 138 и 158 коњски сили. Исто така, можна е достапноста и на 1,0 литарската бензинска и 1,5 литарската дизел единица.
Според некои извештаи, Nissan ќе понуди и plug-in хибридна варијанта, која ќе користи 1,6 литарски бензински мотор, електричен мотор и 9,8 kWh батерии. Оваа поставка, наводно, ќе му овозможи на моделот да има електричен опсег поголем од 30 km.
