Honda ја претстави новата генерација на CR-V

Целосно новата Honda CR-V е претставена во Америка. Оваа шеста генерација на семејниот теренец на јапонскиот гигант добива поостар надворешен дизајн, најнова технологија и ефикасен хибриден погон. Honda допрва треба да потврди кога новиот CR-V ќе дојде во Европа, но очекуваме да го видиме од оваа страна на Атлантикот до средината на 2023 година, како што беше најавувано и претходно.

При изработката на надворешноста на новиот SUV, Honda се инспирираше од моделите Ridgeline и Passport TrailSport, дизајнирајќи поизразена хоризонтална лента и зголемување на ширината за еден сантиметар. Покрај тоа, новиот CR-V е подолг за седум сантиметри, а меѓуоскиното растојание порасна за четири сантиметри, но најинтригантната промена е репозиционирањето на столбовите А, па тие сега седат 11 сантиметри поназад, седум сантиметри повеќе нанадвор и 3,5 сантиметри пониско. Honda исто така ги префрли страничните ретровизори на самите врати.

Предниот дел на CR-V 2023 дава особено храбра изјава со големата, исправена решетка и LED фаровите за сите варијанти. Вертикалните задни светла се исто така изменети за моделската 2023 година.

Honda ќе го продава CR-V во САД во верзиите EX, EX-L, Sport и Sport Touring. Првите два од нив имаат сјајна црна мрежа на предната решетка со хромирана облога и стандардни 18-инчни тркала со 10 краци. Во меѓувреме, варијантите Sport и Sport Turing имаат поагресивни предни и задни облоги, правоаголни завршетоци на издувните гасови, заден спојлер и сјајни црни решетки. CR-V Sport вози на уникатни Berlina Black 18-инчни тркала со 10 краци, додека Sport Touring има 19-инчни тркала со 5 краци.

Редизајниран ентериер

Во кабината се направени различни надградби. Навистина, изгледа многу слично на внатрешноста на 11-тата генерација на Civic. Ова резултира со контролна табла со чист и дизајн без преголемо натрупување на елементи која има впечатлива метална саќе мрежа за да ги скрие отворите за воздух. Honda, исто така, го опреми новиот SUV со 7-инчен дигитален инструмент, додека варијантите EX и Sport исто така имаат 7-инчен инфозабавен дисплеј со физички копчиња за јачина на звук и подесување. Оние кои се одлучуваат за варијантите EX-L и Sport Touring добиваат 9-инчен инфозабавен дисплеј со безжични Apple CarPlay и Android Auto, плус 15W безжично полнење на паметни телефони. CR-V Sport Touring има и премиум аудио систем Bose со 12 звучници.

Во основата на новиот CR-V е подобрената глобална архитектура на Honda за која производителот вели дека создава понепречено возење и поголема стабилност. Исто така, има корист од 15 отсто торзионо поцврсто тело, додека ревидираната предна MacPherson суспензија и управувањето со променлив однос го подобруваат чувството и прецизноста.

Напојувањето на моделите CR-V EX и EX-L е ажуриран 1,5-литарски турбополнач со четири цилиндри со 190 КС и 243 Nm вртежен момент помеѓу 1.700 и 5.000 вртежи во минута. Споен со овој мотор е CVT менувач и сите варијанти го имаат Rear Time AWD системот на Honda.

Што се однесува до CR-V Sport и Sport Touring, тие се опремени со нов хибриден систем кој комбинира 2,0-литарски четирицилиндричен мотор со Аткинсонов циклус со пар електрични мотори. Комбинираната моќност изнесува 204 КС и 335 Nm вртежен момент. Овие модели нудат капацитет за влечење до 1.000 kg.

Безбедносни системи

Голем број безбедносни карактеристики пристигнуваат како стандардни. Тие го вклучуваат пакетот Honda Sensing со нова широкоаголна камера од 90 степени и радар со бранови од милиметри од 120 степени. Главните карактеристики вклучуваат помош за сообраќајниот метеж, контрола на сопирање со мала брзина со препознавање сообраќајни знаци, адаптивен темпомат со следење со мала брзина, помош за задржување лента и информации за слепа точка.

Honda CR-V во САД ќе биде лансиран ова лето. Кога станува збор за европскиот пазар, како што веќе напоменавме, новиот SUV ќе пристигне во текот на следната година, а деталите и спецификациите цените допрва треба да бидат објавени. Она што може да се очекува, според праксата на Honda во последниот период, е CR-V да пристигне исклучиво во хибридна форма, односно е:HEV варијанта, а за првпат и како plug-in хибрид.