Маркез со рекордна деветта победа по ред во Германија

Маркез едноставно беше во елемент, би додале во свој стил, за целиот натпреварувачки викенд во Германија. Најнапред беше супериорен во квалификациите и ја освои пол-позицијата, остварувајќи при тоа нов апсолутен рекорд на извозен круг. До победата стигна возејќи сигурно и со новите бодови ја зголеми предноста во генералниот пласман, која сега изнесува 46 поени, пред почетокот на летната пауза во шампионатот.

Сепак на стартот на трката, возачот на Ducati, Хорхе Лоренцо се обиде да му ги помати сметките на шампионот. Тргна како од катапулт и се најде пред Маркез. Во даден момент сонародникот на Маркез диктираше темпо, но по четири круга, возачот на Honda ги презеде конците во свои раце. По ова и Роси почна да забрзува и да го напаѓа Лоренцо. По три круга „Докторот“ ја искористи грешката на поранешниот тимски колега и излезе на второ место. Но, Маркез веќе беше доста понапред. Докторот го евидентира по ова најбрзиот круг во трката во тоа време и речиси почна да го намалува заостатокот. Маркез одговори уште подобро на следниот круг и најави дека нема лесно да ја испушти победата во своите раце.На крајот, Марк беше 2,1 секунда пред Роси.

Виналес повторно започна слабо трката, но во текот на трката го мина двоецот на Ducati, Лоренцо и Довициозо, за да пред самиот финиш се најде и пред Данило Петручи, кој остана четврти, а петтото место си освои извонредниот на оваа трка Алваро Баутиста. Трката на Заксенринг беше негова најдобра сезонава и Шпанецот се надева тоа ќе е стимул за да се бори за слободното место во новиот сателитски тим на Yamaha. Лоренцо на крајот остана шести, а неговиот клупски колега Даниел Довициозо беше седми. Дани Педроса на Honda и Јан Жарко со сателитската Yamaha останаа осми и деветти, а Топ 10 ги комплетира Бредли Смит со КТМ.