Новиот SUV на Nissan ќе се вика Paladin
Компанијата Nissan ќе го претстави новиот теренец во април 2018 година
Ова ќе се случи за време на автосалонот во Пекинг, соопшти шефот на LCV-одделот на Алијансата Renault-Nissan-Mitsubishi, Ешвани Гупта, за Autocar.
Новиот модел ќе биде достапен во верзии со 5 и 7 места. Дизајнот ќе потсетува многу на Pathfinder, а ќе биде базиран на Nissan Navara. На повеќето пазари, новиот SUV ќе го замени досегашниот модел Patrol и ќе биде именуван како Paladin.
Автомобилот ќе има голема решетка на ладилникот, вертикално поставени предни светла и големо задно стакло. Во агрегатската понуда ќе се најде 2.5 литарскиот бензинец со 163 КС, како и неколку дизел мотори. Топ изведбата ќе добие 2.3-литарски дизел би-турбо со 187 КС.
Европската верзија на Nissan Navara дебитираше во 2015 година, а е опремена со 2,3-литарски DCI мотор со 4 цилиндри. Доаѓа во две верзии – 160 и 187 КС и може да се комбинира со 6-брзински мануелен и 7-степен автоматски менувач.
