Отворени новите салони на Dacia и Nissan во Скопје

Automotive Group ги отвори вратите на новите салони на Dacia и Nissan, и сега имаат комплет салон за сите 3 бренда (вклучително и Renault), во кои се запазени сите најнови стандарди.

Македонскиот пазар на автомобили доби нов сјај со отворањето на модерните салони на Dacia и Nissan во склоп на Automotive Group. Оваа инвестиција ја заокружува понудата на компанијата, која сега располага со нови салони за сите три бренда – Renault, Dacia и Nissan – под еден покрив.

Новите салони се сместени непосредно крај старата локација и се опремени со најсовремени стандарди и елегантен дизајн. Клиентите ќе имаат можност да се запознаат со широката гама на модели од овие популарни брендови, како и да добијат стручни совети од продажниот тим.

Ова претставува значаен чекор за Automotive Group, но и за македонскиот пазар. Со новите салони, компанијата која е застапник на брендовите Renault, Dacia и Nissan во нашата земја ќе може да им понуди на клиентите комплетно искуство при купување на нов автомобил.

Со отворањето на овие салони, Automotive Group потврдува својата позиција на еден од водечките играчи на домашниот пазар, а на клиентите им обезбедува уште поголем избор и погодност при изборот на својот идеален автомобил.