Регулаторна донесе одлука за цените на горивата

Според најновата одлука на Регулаторна комисија за енергетика, се врши намалување на малопродажние цени на нафтените деривати во просек за 0,28 проценти во однос на одлуката утврдена минатата недела. Сепак, ова не значи дека горивата ќе поевтинат, туку цената на бензинот и дизелот остануваат исти, а намалување има единствено кај Екстра лесното масло за домаќинство, кое се намалува за половина денар.

Ова значи дека цената на Еуросупер БС-95 останува 60,50 денари по литар гориво, додека Еуросупер БС-98 ќе се точи по цена од 62,50 денари по литар и во следните недела дена. Дизалот останува на 53 денари по наточено литар гориво.

Од Регулаторна истакнуваат дека во изминатиот седумдневен период референтни цени на светските берзи бележат зголемување и тоа кај бензинот за 0,386 %, а кај дизелот за 0,765%.