РКЕ ги намалува продажните цени на горивата
Регулаторната комисија за енергетика ја донесе својата најнова одлука кога станува збор за малопродажните цени на горивата во нашата земја
РКЕ донесе одлука со која се врши намалување на малопродажните цени на нафтените деривати. Согласно методологијата за утврдување на цените, од ноќеска на полноќ ќе имаме намалување на цените за 0,54 проценти во однос на минатата недела.
Според ова, малопродажните цени на бензините Еуросупер БС-95 и Еуросупер БС-98, како и на Еуродизелот, ќе се намалат за половина денар во однос на претходните цени.
Ова значи дека од ноќеска на полноќ моторниот бензин Еуросупер БС-95 ќе се продава по 71 денар, Еуросупер БС-98 ќе чини 73,50 денари по литар гориво, додека пак Еуродизелот ќе се точи за 62 денари по литар.
Од РКЕ истакнуваат дека во изминатиот седумдневен период сите референтни цени на светските берзи во просек бележат намалување и тоа кај бензинот за 2,1 проценти, а кај дизелот за 1,7 проценти.
