Škoda ја претстави Scout изведбата на Superb

Škoda претстави модел кој ги има гените за off-road авантури од Kodiaq, но сепак не е SUV. Овој модел има сериозна доработка од комби верзијата, а клучно е тоа што во стандардната верзија ќе има погон на сите тркала. Настрана од пластиките кои се користат кај ваквиот тип на возила, па дури и кај сличниот Volkswagen Passat, кај Superb Scout висината од земја е зголемена за цели 15 mm.

Кај новитетот, компанијата отишла чекор понапред со тоа што е воведен модот off-road, за оние кои сакаат да пропатуваат низ некои нерамнини. За разлика од комби верзијата, Superb Scout е со 18 инчни тркала, достапни се и опционалните 19-ки, а карактеристично за овој модел е и Tangerine Orange бојата.

Во внатрешноста, новиот Superb Scout има минимални промени. Освен елементите од дрво, на повеќе места може да се сретна и Scout логото, како и специфичната ткаенина која е користена за седиштата. Со доплата, клиентите ќе можат да одберат и ентериер во комбинација на кожа и алкантара.

Приклучувајќи се на Scout семејството, Superb ќе биде достапен на пазарот само со најсилните мотори на групацијата, односно 2,0 TSI и 2,0 TDI агрегатите. Бензинскиот е со моќност од 272 коњски сили и 350 Nm вртежен момент, додека кај дизелскиот погон моќта е ограничена на 190 КС и 400 Nm. И кај двете верзии, достапен е исклучиво седум степениот DSG автомсарски менувач.

Оваа верзија на Superb, ќе почне со продажба во текот на оваа година, заедно со седан изведбата, додека plug-in хибридот е закажан за почетокот на 2020 година.

https://www.youtube.com/watch?v=nfhAyUkBgkY