Кои се најпопуларните автомобили во Германија?

Пандемијата на коронавирусот го наруши нашиот стандарден и препознатлив начин на живеење. Автомобилската индустрија не остана имуна на здравствената криза, исто како и регистрацијата на нови автомобили. Во мај 2020 година, всушност се случи еден друг модел да се доближи до неприкосновениот бестселер Volkswagen Golf, кој за само 2.000 продадени модели остана пред својот „предизвикувач“.

Како се случи тоа? Volkswagen не успеа да го достави новиот Golf често и успешно како што тоа го посакуваше и правеше во изминатите години поради технички проблеми. Имено, Fiat Ducato доминира во продажбата на автомобили во Германија, повеќе отколку што доминира Golf на целокупниот пазар. Неверојатни 6.430 нови регистрации забележа италијанското возило во конкуренција на „Германците“. Но, сепак станува збор за комерцијално возило и затоа официјално отпаѓа од Топ 50. Останатото си останува како некогаш. Golf е на првото место, а зад него е Volkswagen Tiguan врз кого има сериозна предност.

По нив следуваат автомобили како Mercedes C-Класа, Volkswagen Passat и VW T-Roc, како и Ford Focus и Opel Corsa. Најголемото изненадување во Топ 10 секако е малиот автомобил Mitsubishi Space Star кој го зазема осмото место. Opel Astra и Škoda Octavia ги комплетираат Top 10.

Британски автомобил со најмногу регистрации во Германија е Mini кој го зазема 18 место, Франција е на 22 место претставувана од страна на Renault Clio. Seat Leon е на 20-тото место како најдобро пласиран „Шпанец“. Највисоко пласниран корејски автомобил е Kia Ceed на 29 место. Италија доаѓа дури на 30-тото место со Fiat 500. Според продажбата, Citroën Jumper би бил на 34-тото место со 1.311 нови регистрации, но ако му беше дозволено да биде дел од „играта“. Сепак, и тука важи „правилото“ за комерцијални возила.