Шестата генерација на Opel Corsa спортска, стилска, економична

Оваа генерација на Opel Corsa во своето портфолио на погонски агрегати доаѓа со дизелски и бензински мотори, но исто така за првпат и со чисто електричен погон. Карактеризирана како вистинскиот автомобил за секого, бестселерот во оваа генерација има напредни мотори, ниска позиција за седење, спортско ракување, мала тежина, помала потрошувачка на гориво, големи возни својства, прилагодливи IntelliLux LED® матрикс светла, седишта со функција за масажа, осумстепен автоматски менувач и напреден систем за помош.

Новата Corsa премиерно беше претставен на меѓународниот автомобилски саем IAA Франкфурт во септември каде беше прогласена за „Службен автомобил на годината“ во класата на мали автомобили од страна на читателите на „Auto Bild“. Продажбата на 4,06 метри долгото возило со пет врати на германскиот производител на автомобили започнува со особено економични бензински и дизел мотори со излезна моќност од 55kW (75 КС) до 96kW (130 КС).

Умерената потрошувачка на гориво е карактеристична за сите погонски агрегати. Сите овие квалитети веќе ги нуди основната верзија. Подеднакво убедливи се и напредните системи за помош, иновативниот инфозабавен систем и одличениот сооднос цена-перформанси.

Opel Corsa со основно ниво на опременост се нуди по цена од 13.990 евра (со вклучен ДДВ во Германија). Покрај целосно електричната Corsa-e, дизелските и бензински верзии се достапни во три нови линии на опрема: како Edition од 15.850 евра во Германија, Elegance од 17.850 евра и особено спортскиот GS Line од 19.880 евра.